麻辣牛肉麵

麻辣粉方面我地今次係同 兩姊妹涼皮有限公司 合作，由佢地提供麻辣粉比我地去做麵
做麵我地就識，點搞麻辣粉我地真係唔識，成個麻辣粉我地研究左幾個月，不同既比例都試過，最後做出呢個中辣既口味出黎比大家試
辣度我地都諗左好耐，當然出得麻辣，就當然想搞到好辣好出位，但變左照顧唔到一班食小辣但又想食辣既朋友
所以我地決定個辣度係普通人接受到既辣加多2成（我地全公司伙記一致通過）
如果大家覺得辣，可以加多d水（但牛肉湯味會少左）
如果大家覺得唔辣，可以自已另加辣
咁就可以照顧晒所有人啦！🤪
牛肉湯方面我地用左韓國方式既牛肉湯，點解？因為襯辣既湯除左韓國之外我地真係諗唔到邊個湯可以襯到！😂 試左幾次之後，又好成功Tune好個味！
之前既試食活動，是但比住 d Feedback 大家睇睇🤪
我地都一一跟住大家既 Feedback 去改良個辣粉同埋牛肉湯味，所以今次出品真係出街 Version 而唔係試食 Version，試食有中Size同幼Size, 經過各位既投票之後，我地決定用中Size 做成品麵
我地都明白，做一個味道出黎就一定有人會參考，但我地想比大家知道我地一路以黎為港式乾麵不停創新既努力，呢個麻辣牛肉麵同芫荽魚湯麵都係我地原創
我真係唔介意有人參考，但我介意比人話我地唔係原創，所以今次我決定原材料未穩定都推出黎比大家食住先🤣所以張相是但影出黎比大家試住先！

成份: 高筋小麥粉，牛肉湯粉，麻辣粉，鹽，糖，增味劑(621)，酸度調節劑500,501，色素142